Formel: Den Jenson Button um McLaren gewënnt de Grousse Präis vun der Belsch, dat virum Sebastian Vettel (Red Bull) an dem Kimi Räikkönen (Lotus).

Deen éischten aus dem Qualifying war och deen éischten no 44 Ronnen. Den Jenson Butto huet de Grousse Präis vun der Belsch souverän gewonnen.

Exzellent Performance och vum Weltmeeschter Sebastian Vettel, dee vun der 10. Plaz fortgefuer war an um Enn den 2. gëtt. De Podium komplett mécht de Kimi Räikkönen.

D'Course hat direkt mat enger Safety Car-Phase ugefaang.

Direkt am éischten Tour huet et de Lewis Hamilton, de Fernando Alonso, de Romain Grosjean an de Sergio Perez erwëscht.

RTL

© AFP

Nodeems de Safety Car nees d'Streck verlooss hat, war et den Jenson Button dee sech direkt konnt ofsetzen.

Hannedrun huet laang de Weltmeeschter Sebastian Vettel probéiert un de Button erunzekommen, ma et sollt net duergoen.

Um Enn gewënnt de Button virum Sebastian Vettel.

Och ëm déi 3. Plaz gouf laang haart gekämpft. De Michael Schumacher, de Kimi Räikkönen, den Nico Hülkenberg an de Mark Webber wollten hei ee Wiertche matschwetzen, um Enn stoung de Kimi Räikkönen mat um Podium.

Leader am General bleift de Fernando Alonso (164 Punkten), dat virum Sebastian Vettel (140) an dem Mark Webber (132).

Hei nach eemol d'Top 10 am Iwwerbléck:

1Jenson ButtonMcLaren Mercedes1:29:08,530
2Sebastian VettelRed Bull Racing+13,624
3Kimi RäikkönenLotus F1 Team+25,334
4Nico HülkenbergForce India F1 Team+27,843
5Felipe MassaScuderia Ferrari+29,845
6Mark WebberRed Bull Racing+31,244
7Michael SchumacherMercedes AMG+53,374
8Jean-Eric VergneScuderia Toro Rosso+58,865
9Daniel RicciardoScuderia Toro Rosso+62,982
10Paul di RestaForce India F1 Team+63,783

Groussen Präis Vun Spa Franchorchamps an da Formel 1
Victoire fir den Button, virum Vettel an dem Grosjean