De Lewis Hamilton wënnt den éischte Russland GP

Virun der Course war eng Zeremonie vun de Pilote fir de Jules Bianchi, deen de leschte Weekend ee schlëmmen Accident hat an nach am Spidol läit.

Beim Depart a beim Haaptduell tëscht den 2 Mercedes-Piloten, déi Weltmeeschter kënne ginn, huet de Nico Rosberg de Lewis Hamilton zwar iwwerholl, mä sech direkt duerno duerch ee Bremsfeeler ee Platte geholl. Hien huet sech missen nei haart Pneue siche goen.

Wéi erwaart konnt sech de Lewis Hamilton an den nächste Ronnen ofsetzen. De Valtteri Bottas um Williams konnt e puer Ronne mathalen. Mee de Lewis Hamilton konnt nach bis d'Ronn 27 mat dem 1. Saz Pneue weiderfueren. Hie konnt bis dohinner och eng séierst Ronn no der Anerer weisen.

An der Ronn 31 war den Nico Rosberg, dee mat sengem 2. Saz Pneue jo quasi zënter dem Ufank vun der Course ënnerwee war, vun der Plaz 21 hannert dem Zweete Bottas ukomm an huet deen du beim Iwwerhuele vun der Pist gedréckt, gouf dofir awer net bestrooft. Den Nico Rosberg ass duerchgefuer.

Mercedes huet mat där Duebel-Victoire de Konstrukteurs-Titel an der WM gewonn.