Decisioun an der Formel 1 dëse SonndegSou ginn Norris, Verstappen oder Piastri Weltmeeschter

Mam Lando Norris (McLaren), Max Verstappen (Red Bull), an Oscar Piastri (McLaren) kommen nach dräi Piloten a Fro, fir d‘WM-Kroun opzedoen. Den Norris (408 Punkten) huet 12 Punkten Avance op de Verstappen (396 Punkten) a 16 op de Piastri (392).

Fir d‘lescht, datt sech dräi Piloten an der leschter Course ëm de Weltmeeschtertitel gestridden hunn, war 2010. Deemools waren dat de Fernando Alonso (Ferrari), de Mark Webber (Red Bull) an de Sebastian Vettel (Red Bull). De Vettel war virun Abu Dhabi deen Drëtten, konnt awer um Enn säin éischte WM-Titel feieren.

Ee méiglechen Zenario fir déi dräi concernéiert Piloten dëse Sonndeg zu Abu Dhabi

• De Lando Norris gëtt Weltmeeschter, wann hien an den Topp-3 iwwert d‘Zillinn fiert.
• De Max Verstappen gëtt Weltmeeschter, wann hie gewënnt an de Lando Norris maximal 4. gëtt.
• Den Oscar Piastri gëtt Weltmeeschter, wann hie gewënnt an den Norris maximal 6. gëtt.

Am Detail gesäit d‘Situatioun esou aus:

De Lando Norris ass Weltmeeschter wann…

• ...hien an den Topp-3 de schwaarz-wäiss-karéierte Fändel gewise kritt.
• ...hie viru Verstappen a Piastri iwwert d‘Zillinn fiert.
• ...hie 4. oder 5. gëtt an de Verstappen net gewënnt.
• ...hie 6. oder 7. gëtt a weder de Verstappen nach de Piastri gewannen.
• ...hien 8., de Verstappen maximal 3. gëtt, an de Piastri net gewënnt.
• ...hien 9., de Verstappen maximal 4. gëtt, an de Piastri net gewënnt.
• ...hien 10. oder aus de Punkten eraus ass, an de Verstappen maximal 4. an de Piastri maximal 3. gëtt.
• ...de Verstappen respektiv de Piastri ausfalen.

De Max Verstappen ass Weltmeeschter wann…

• ...hie gewënnt an den Norris net op de Podium kënnt.
• ...hien 2. an den Norris maximal 8. gëtt, an de Piastri net gewënnt
• ...hien 3. an den Norris maximal 9. gëtt, an de Piastri net gewënnt

Den Oscar Piastri ass Weltmeeschter wann…

• ...hie gewënnt an den Norris maximal 6. gëtt.
• ...hien 2., den Norris maximal 10. an de Verstappen maximal 4. gëtt.

De FORMULA 1 ETIHAD AIRWAYS ABU DHABI GRAND PRIX 2025 kënnt Dir natierlech live op RTL ZWEE an RTL PLAY suivéieren

Fräien Training, mir iwwerdroen de Programm op RTL ZWEE an um RTL Play

Samschdeg, 6. Dezember 2025: 11h25 – 12h35
Commentaire: Tom Hoffmann

Qualifikatioun, mir iwwerdroen de Programm op RTL ZWEE an um RTL Play

Samschdeg, 6. Dezember 2025:
Ufank vun der Emissioun: 14h55
Start vun der Qualifikatioun: 15h00
Viraussiichtlecht Enn vun der Emissioun: 16h10
Commentaire: Franky Hippert an Tom Hoffmann
Expert: Dominique Riefstahl

Course, mir iwwerdroen de Programm op RTL ZWEE an um RTL Play

Sonndeg, 7. Dezember 2025:
Ufank vun der Emissioun: 13h15
Depart vun der Course: 14h00
Viraussiichtlecht Enn vun der Emissioun: 16h45
Commentaire: Franky Hippert a Serge Pauly
Expert: Dominique Riefstahl