Decisioun an der Formel 1 dëse SonndegSou ginn Norris, Verstappen oder Piastri Weltmeeschter

Franky Hippert

23 Coursse si scho gefuer, d‘Decisioun wien dëst Joer Weltmeeschter an der Formel 1 gëtt, fält awer eréischt beim leschte Grand Prix e Sonndeg zu Abu Dhabi.

Update: 06.12.2025 08:00

Mam Lando Norris (McLaren), Max Verstappen (Red Bull), an Oscar Piastri (McLaren) kommen nach dräi Piloten a Fro, fir d‘WM-Kroun opzedoen. Den Norris (408 Punkten) huet 12 Punkten Avance op de Verstappen (396 Punkten) a 16 op de Piastri (392).

Fir d‘lescht, datt sech dräi Piloten an der leschter Course ëm de Weltmeeschtertitel gestridden hunn, war 2010. Deemools waren dat de Fernando Alonso (Ferrari), de Mark Webber (Red Bull) an de Sebastian Vettel (Red Bull). De Vettel war virun Abu Dhabi deen Drëtten, konnt awer um Enn säin éischte WM-Titel feieren.

Ee méiglechen Zenario fir déi dräi concernéiert Piloten dëse Sonndeg zu Abu Dhabi

De Lando Norris gëtt Weltmeeschter, wann hien an den Topp-3 iwwert d‘Zillinn fiert.
De Max Verstappen gëtt Weltmeeschter, wann hie gewënnt an de Lando Norris maximal 4. gëtt.
Den Oscar Piastri gëtt Weltmeeschter, wann hie gewënnt an den Norris maximal 6. gëtt.

Am Detail gesäit d‘Situatioun esou aus:

De Lando Norris ass Weltmeeschter wann…

...hien an den Topp-3 de schwaarz-wäiss-karéierte Fändel gewise kritt.
...hie viru Verstappen a Piastri iwwert d‘Zillinn fiert.
...hie 4. oder 5. gëtt an de Verstappen net gewënnt.
...hie 6. oder 7. gëtt a weder de Verstappen nach de Piastri gewannen.
...hien 8., de Verstappen maximal 3. gëtt, an de Piastri net gewënnt.
...hien 9., de Verstappen maximal 4. gëtt, an de Piastri net gewënnt.
...hien 10. oder aus de Punkten eraus ass, an de Verstappen maximal 4. an de Piastri maximal 3. gëtt.
...de Verstappen respektiv de Piastri ausfalen.

De Max Verstappen ass Weltmeeschter wann…