An engem héichklassege Match ka sech de Stafanos Tsitsipas mat 6:3 a 6:4 géint de Roger Federer duerchsetzen.

An der éischter Halleffinall vun den ATP-Finals zu London ass de Griich Stefanos Tsitsipas op de Schwäizer Roger Federer getraff. Wéi sou oft bei dëse Finals gouf och bei dësem Match en héichklassege Niveau ugebueden. De Griich huet awer manner Feeler produzéiert a gewënnt den 1. Saz mat 6:3. Eleng dat lëscht Spill vum éischte Saz huet iwwer 13 Minutten gedauert. An och am 2. Saz huet den Tsitsipas eng ganz staark Prestatioun gewisen an de Federer ëmmer nees zu Feeler gezwongen. Esou ass et dem Griich gelongen och den 2. Saz mat 6:4 ze gewannen an de Schwäizer domadder an d'Knéien ze zwéngen.

© AFP

An der 2. Halleffinall huet den Éisträicher Dominic Thiem dem däitschen Alexander Zverez keng Chance gelooss a konnt dësen mat 7:5 fir sech entscheeden. Am éischte Saz huet den Thiem staark gespillt an hat manner unforced errors wéi den Zverev ze verzeechnen. Am 2. Saz huet den Zverev oft gutt Chance leie gelooss a soumat an den Thiem konnt dëst äiskal ausnotzen. Den 2. Saz konnt den Éisträicher dann mat 6:3 fir sech entscheeden a steet domadder als éischten Éisträicher an der Finall.

An der Finall treffen e Sonndeg um 19.00 Auer de Stefanos Tsitsipas an den Dominic Thiem openeen.