De Lëtzebuerger war den 10. November fir seng vill Aarbecht belount ginn an dat mat enger Sëlwermedail op der WM zu Dubai.

20 Stonnen haarden Training an der Woch an 2 Stonne Kiné wéinst der eesäiteger Belaaschtung vum Kierper. D’Ustrengungen hu sech fir den Tom Habscheid gelount, eng Sëlwermedail op der Weltmeeschterschaft zu Dubai ass d’Belounung.

Nieft dem Vize-Weltmeeschtertitel, koum och nach e Weltrekord a senger Kategorie derbäi, a virun allem d’Qualifikatioun fir d’Paralympics zu Tokio, déi mat der 2. Plaz en definitive Charakter krut.

De Papp vun 2 Kanner konnt feststellen dass et zu Dubai een Olympiastëtzpunkt fir d’Paralympics-Athlete gëtt. Och zu Lëtzebuerg ass d’Unerkennung an d’Ënnerstëtzung mat den exzellente Resultater geklommen.

Nach 8 Méint haarden Training, an da steet Tokio virun der Dier.