Wéi de Veräin e Méindeg den Owend op Facebook matgedeelt huet, huet sech den aachtfache Lëtzebuerger Champion vum Coach Alexandre Pires getrennt.

D'Amicale huet wësse gedoen, dass hien duerch de Belsch Etienne Louvrier ersat gëtt.

Detailer zum Changement op der Bänk ginn net genannt.

Steesel steet momentan, no 13 Matcher op der zweetleschter Plaz an der Tabell mat just 17 Punkten.

Den Etienne Louvrier ass zu Lëtzebuerg keen Onbekannten. An der Saison 2017/18 hat hien de Stater Racing trainéiert.