Op der 3. Etapp ass et iwwer 179,7 km vu Lyngdal op Kristiansand gaangen an do konnt den Alex Kirsch op e Neits mat enger staarker Prestatioun op sech opmierksam maachen. Gläichzäiteg mam Gewënner Edvald Boasson Hagen gëtt de Lëtzebuerger de 5.. Op d’Plazen 2 an 3 koumen de Joris Nieuwenhuis an den Alexander Kristoff.
Schonn um Mëttwoch op der 2. Etapp konnt de 26 Joer ale Coureur aus dem Grand-Duché vu Trek-Segafredo déi nämlecht Plaz afueren. Hei konnt sech den Alvaro Hodeg duerchsetzen.
Am General läit den Alex Kirsch mat engem Retard vu 17 Sekonnen op der gudder 11. Plaz.
