17 Ekippen an insgesamt 102 Coureure streide sech iwwer 5 Etappen a ronn 700 Kilometer ëm d'Schlussvictoire vum Skoda Tour de Luxembourg. Mam Mathieu Van der Poel vun Alpecin-Premier Tech, dem Weltmeeschter vun 2023 a Vainqueur vun der 1. Etapp am Joer 2024, wéi och dem Tao Geoghegan Hart vu LIDL-Trek, dem Gewënner vum Giro d’Italia 2020, sinn zwee grouss Nimm vun e Mëttwoch bis e Sonndeg op de Lëtzebuerger Stroossen ze gesinn.
Donieft si mam Søren Kragh Andersen vu LIDL-Trek, dem Jasper Stuyven an dem Dylan van Baarle vu Soudal-Quick Step an dem talentéierten Davide Piganzoli vu Team Visma | Lease a Bike weider prominent Coureure mat dobäi.
Aus Lëtzebuerger Siicht geet ënner anerem de Mathieu Kockelmann un den Depart, deen d'lescht Joer eng Etapp konnt gewannen.
