De Prolog, fir den Optakt vun der 70. Flèche du Sud, hat eng Längt vun 3,2 Kilometer. Am séiersten ënnerwee war de Belsch Quinten Hermans, dee 4 Minutten an 41 Sekonne gebraucht huet. Op d’Éiereplaze sinn zwee weider Belsch gefuer, de Toon Aerts an den Daan Soete. Si haten ee Retard vu 7 respektiv 8 Sekonnen.
Beschte Lëtzebuerger war de Ivan Centrone. Hien hat als 17. e Réckstand vu 17 Sekonnen. Fir de Pit Leyder war et déi 20. Plaz op 18 Sekonnen.
Op der éischter Etapp geet et um Donneschdeg vu Rëmeleng op Rëmeleng.
