Am Kader vum 1. Tour vum CEV Volleyball Challenge Cup bei den Damme muss sech d'Gym Volley en Dënschdeg den Owend och am Retourmatch géint Sudosa Assen geschloe ginn, dat mat 1:3 (25:22, 20:25, 16:25 an 18:25). Domadder ass een eliminéiert.
Um Cents hunn d'Lëtzebuergerinnen zwar ee gudde Start erwëscht a si mat 1:0 a Féierung gaangen, duerno huet d'Ekipp aus Holland allerdéngs besser an de Match fonnt a konnt sech schlussendlech no véier Sätz behaapten.
Den Allersmatch haten d'Damme vum Lëtzebuerger Supercup-Gewënner kloer mat 0:3 (18:25, 14:25 an 13:25) an Holland verluer, wouduerch d'Chancen op ee Weiderkommen am Réckmatch schonn immens kleng waren an een et um Enn dann och net gepackt huet.
