Dat huet d’Organisatioun Fauna and Flora International (FFI) matgedeelt. Dës eminent Rei vun Entdeckungen hunn 2010 mam Rhinopithecus strykeri ugefaangne, engem klenge schwaarze Primat, deen och - op däitsch iwwersat - als “niesender Stumpfnasenaffe” bekannt ass.
Den Awunner no ass deen Af liicht ze fannen, viurn allem wann et reent: Da sammelt sech d’Reewaasser a senger flaacher Stuppsnues, wouduerch d’Déier dann néitsche muss.
An der Lëscht vun den neien Déierenaarten ass och ee Kriibs, déi an Hiele wunnt; e Schleek, dee Fleesch frësst a 17 Aarte vu Séisswaassermuschelen. D’Fuerscher hunn donieft 37 verschidde Gecko-Aarte fonnt, déi immens verstoppt am Oste vum Land liewen, zum Beispill op Hiwwelen oder an Hielen.
“De Myanmar bitt e biologesche Räichtum, vun deem déi meeschte Länner nëmmen dreeme kënnen”, erkläert d’FFI. D’Organisatioun warnt awer och viru Menacen, wéi d’Ofholze vu Bëscher, d’Juegd, d’Landwirtschaft an den Ausbau vun Infrastrukturen.
