Fannt an eisem Artikel all déi wichteg Informatiounen, déi der braucht, fir einfach a séier op de Concert um Herchesfeld ze kommen.

Wéinst dem Concert wäerten an a ronderëm Réiser e Samschdeg verschidde Stroosse gespaart sinn.

Den CR132, also tëscht Krautem an dem CR158 (Streckt tëscht der Kockelscheier an dem Schlammestee) ass a béid Richtunge gespaart. Hei dierfe just Busser zirkuléieren.

Dann ass weider den CR157, tëscht Krautem an Helleng respektiv tëscht Krautem an der Südentrée vum Herschesfeld a béid Richtungen zou. Hei gëtt et eng Ausnam fir d'Awunner an d'Livreuren.

Weider ass och d'N13 tëscht Beetebuerg an Helleng zum Deel fir den Trafic gespaart. Fir den Deel, deen op bleift, gëtt d'Vitess op 50 Kilometer an der Stonn limitéiert.

Den CR132 vu Peppeng a Richtung Krautem, esou wéi den CR157 vum Herchesfeld op Helleng an den CR161 vu Beetebuerg op Diddeleng ass zou fir den Trafic an d'Strooss ka just an d'Géigerichtung befuer ginn.

Deviatioune ginn ausgeschëldert. D'Police wäert op de Plaze präsent sinn, fir den Oflaf vum Trafic ze suivéieren.

Praktesch Informatiounen: Wéi kënnt een am einfachsten a séiersten op d'Herchesfeld

All d'Clientë mussen am Viraus decidéieren, wéi si op den Site kommen wëllen. D’Herchesfeld ass net un den ëffentlechen Transport ugeschloss an d’Stroosse ronderëm de Site si fir den ëffentleche Verkéier gespaart.

Dofir bitt den Atelier dës Méiglechkeeten un:
1) SHUTTLE: zentraler Drop-Off-Point ass den P+R Bouillon, vun do aus fueren Navetten op den Concert-Site a zeréck. All Client muss am Viraus en Ticket fir den Shuttle kafen (5€ pro Persoun) op www.atelier.lu. Weider Infoen, wéi een mam ëffentlechen Transport op de P+R Bouillon op www.mobiliteit.lu

2) PARKING: Den On-Site-Parking gëllt fir Motoen a Autoen bis maximal 3,5 Tonnen. Busser (och Minibusser) sinn NET um Parking zougelooss. Och hei muss een en Ticket am Viraus op www.atelier.lu kafen (20€pro Ticket/ pro Auto). Vum Parking gëtt een da gratis op den Concerts-Site gefouert an zeréck.

3) GREEN TRAVEL: Komm mam Vëlo oder zu Fouss! Et gëtt 200 securiséiert Vëlosstänner no bei der Entrée. De Vëlosparking erreecht een iwwert Krautem via d’Rue de la Montagne. Gratis an ökologesch!

Fir all Rammstein-Tickete gëllt, dass den ëffentlechen Transport am Groussherzogtum den 20. Juli inklusive ass (Busser & Zich).

All weider praktesch Infoe kann een um Site vum Atelier als PDF fir erofzelueden fannen.

De Communiqué vun der Police


Routes barrées dans les alentours de Roeser le samedi, 20 juillet 2019 Dans le cadre du concert Open Air du groupe "Rammstein" qui aura lieu ce samedi, 20 juillet 2019 au Herchesfeld à Roeser, plusieurs routes dans les alentours de Roeser seront fermées aux conducteurs.

Plus précisément, il s'agit des:

- CR132 entre Crauthem et le CR158 dans les deux sens (excepté autobus) ;
- CR 157 entre Crauthem et Hellange et entre Crauthem et l'entrée du site " Herchesfeld " (à l'exception des riverains et de leurs fournisseurs) dans les deux sens ;
- ainsi que de l'aire de repos longeant la N13 entre Bettembourg et Hellange dans les deux sens (à l'exception des navettes pour le concert).

Sur le CR 132 de Peppange vers Crauthem, sur le CR 157 de l'entrée du site Herchesfeld vers Hellange et sur le CR 161 de Bettembourg vers Dudelange, l'accès est interdit aux conducteurs et la voie publique est uniquement accessible par la direction opposée.

Des déviations seront en place.

Par ailleurs, sur la N13 entre Bettembourg et Hellange, la vitesse maximale sera limitée à 50 km/h dans les deux sens.

La Police sera présente avant, pendant et après le concert et veillera au maintien de l'ordre public et à la circulation. Elle travaille en étroite collaboration avec le Corps grand-ducal d'incendie et de secours, l'organisateur et l'Inspection du travail et des mines.

E puer Deeg virum Concert: Esou gesäit d'Herchesfeld aus

Rammstein-Concert: Preparative lafen op Héichtouren
Déi däitsch Grupp Rammstein trieden e Samschdeg hei am Land op. Ronn 18.000 Fans gi sech bei deem risegen Open-Air-Concert zu Réiser erwaart.

Krane riichten eng riseg Bühn op. Extra, fir datt si sech kënne beweegen, goufen Placken aus Eisen ausgeluecht, fir de Wues net ze beschiedegen. Donieft hëllefen se, fir d'Gewiicht vun der Bühn ze droen. Op dëser 60 Meter breeder Bühn wäert dono e 40 Meter héijen Tuerm stoen, wou an der Mëtt de Logo vun der Band wäert ze gesi sinn. Fir d'Bühn opzeriichten waren déi 3 Deeg virum Concert eng 80 Leit am Asaz, am ganze hunn 200 Leit um Herchesfeld geschafft. Besonnesch Opwänneg war d'Opriichte vun de Spezialeffekter, Rammstein schafft jo gäre vill an dacks mat Feier, esou den Organisateur.

Et ass enorm vill Aarbecht an eng extrem grouss Responsabilitéit. Mir probéieren, et natierlech esou gutt ze maachen, wéi et nëmme geet, setzen alles do ëm. Mir hunn eng super Ekipp, déi duerch esou eppes extrem gefuerdert gëtt, well jiddferee sech méi wéi 100% do dran investéiert, mä och fir ons ass dat Ganzt wierklech eng Experience.”

Hannert der Bühn dann e risege Backstage-Beräich, mat allem, wat ee sech als Kënschtler wënsche kann. Esouguer ginn et Schlofberäich, dee Schalldicht ofgeschiermt ass, fir dat vu bausse kee Kaméidi erakënnt.

E grousse Foodvillage gouf opgeriicht, fir datt déi 18.000 Visiteuren och mat Iessen a Gedrénks versuergt ginn. Donieft dann nach méi wéi e puer Hännvoll Dixi-Toiletten, fir déi wichteg Bedierfnesser...

Esou e Concert ass natierlech och fir eng Gemeng vill Aarbecht. A Saache Sécherheet muss hei mat villen Acteuren zesumme geschafft ginn, esou de Buergermeeschter Tom Jungen. Do ass et evident, datt mir zesumme mat de verschiddene Partner wéi  der ITM an dem Aarbechtsministère, dem CGDIS – deen ebe vun de Rettungsdéngschter e ganzen Dispositif en place gesat huet, zesumme mat der Police an eben dem Organisateur gekuckt hunn, fir den Dispositif en place ze setzen, fir datt alles gutt ofleeft.

D'Organisatioun ass op alle Fall prett, fir de groussen Open-Air-Concert.

AUDIO: Virbereedungen op Rammstein / Reportage Danielle Goergen