Fir hir Dokteraarbecht iwwer den dynamesche Sproochekontext zu Lëtzebuerg sicht d’Christina Schmidt vun der Uni Regensburg nach Leit, déi wëlle matmaachen.

Hiren Interessi gëllt der Méisproochegkeet zu Lëtzebuerg a fir méi doriwwer erauszefannen, sicht d’Christina Schmidt nach Fräiwëlleger, déi bereet sinn, eng 15 bis 20 Minutten an eng kleng Ëmfro ze investéieren. Déi kann online ausgefëllt ënnert dësem Link: https://easy-feedback.de/sondage-plurilinguisme-au-luxembourg/1182908/A9814Y

Déi eenzeg Konditioun fir matzemaachen ass, datt een zu Lëtzebuerg lieft oder do schafft oder studéiert. D’Christina Schmidt interesséiert sech also net nëmme fir d’Meenung vun de Lëtzebuerger an de Residenten zu Lëtzebuerg, also den Awanderer an den Expats, ma och fir déi vun de Frontalieren.

Richteg oder falsch gëtt et net

D’Ëmfro kann op Däitsch, Franséisch oder Englesch ausgefëllt ginn. D’Donnéeën, dat versprécht d’Doktorandin, géife selbstverständlech anonym a confidentiel behandelt ginn. Wichteg wier an deem Kontext och nach, datt et weeder gutt oder schlecht, nach richteg oder falsch Äntwerte gëtt. „Et ass d’Meenung vun de Leit, déi mech interesséiert.“

D’Ëmfro ass Deel vun der Dokteraarbecht mam Titel „La dynamique des langues dans un contexte urbain – Une étude sociolinguistique du plurilinguisme à Luxembourg-Ville. D’Christina Schmidt studéiert op der Uni Regensburg a Bayern, huet d’Ëmfro awer no Récksprooch mam Institut fir lëtzebuergesch Sprooch- a Literaturwëssenschaft vun der Uni Lëtzebuerg konzipéiert.

Als Zil vun hirer Ëmfro formuléiert d’Doktorandin „die Erforschung des konkreten Sprachgebrauchs, des Sprachverhaltens im Allgemeinen sowie der Spracheinstellungen in der sehr komplexen und sich verändernden luxemburgischen Sprachenlandschaft. Die drei ,traditionellen‘ Landessprachen, das Luxemburgische, das Französische und das Deutsche, aber auch das Englische und das Portugiesische stehen im Mittelpunkt“.

Virun deem Hannergrond wier hir als Fuerscherin och wichteg ze wëssen, wat d’Membere vun der RTL-Community, also RTL Lëtzebuerg, RTL 5minutes an RTL Today, iwwer de Sujet Méisproochegkeet am Land denken.

Ëmmer méi wichteg an der Welt

Méisproochegkeet géif an enger globaliséierter Welt ëmmer méi e wichtege Sujet ginn, ass d’Christina Schmidt iwwerzeegt: „Fragen, die die Mehrsprachigkeit betreffen, werden in einer Welt, die aufgrund der Globalisierung immer mehr zusammenwächst, und im Kontext zahlreicher, größer werdender und sich verändernder Migrationswellen immer wichtiger werden. Schon jetzt ist Mehrsprachigkeit weltweit gesehen die Normalität und strikter Monolingualismus die Ausnahme.“

Hiren Interessi un der Lëtzebuerger Sproochesituatioun erkläert déi haiteg Doktorandin mat engem Stage als Studentin am Joer 2014: „Mein Interesse für Luxemburg rührt von einem viermonatigen Praktikum her, das ich im Jahr 2014 im Rahmen meines Bachelorstudienganges (,Deutsch-Französische Studien’ an der Universität Regensburg und der Université Clermont-Auvergne) am TROIS C-L in Luxemburg-Stadt absolviert habe.“

„Positiv iwwerrascht“

Lëtzebuerg hätt si deemools iwwerrascht, esou datt de Grand-Duché a seng Sproochen och schonn de Sujet vun hirer Masteraarbecht goufen: „Wissend, dass Luxemburg ein offiziell dreisprachiges Land ist, war ich doch von dem sehr hohen Grand an Mehrsprachigkeit in der Bevölkerung positiv überrascht. Das Thema meiner Masterarbeit (,Le plurilinguisme au Luxembourg : aujourd’hui et demain – Quelques pistes de recherche’) im binationalen Studiengang ,Interkulturelle Europa-Studien’ habe ich, mit anderem Schwerpunkt, nun bei meiner Dissertation ausgebaut.“

… an un där kann elo jiddereen, dee wëll an eng Meenung huet, iwwer den Online-Froebou matschaffen.