D’Organisateure wollte méiglechst ville Leit eppes bidden an hirer Programmatioun. Dat ass bis lo mol gelongen.

De schwedesche Grupp Mando Diao spillt och mol viru 50.000 Leit. Da wierkt Wolz mat 1.000 Besicher vläicht bësse kleng, mee dat huet fir Mando Diao näischt un hirer Performance geännert.  Vun Ufank un haten si de Public am Grëff an deem huet dat gefall.

Et komme nach interessant Momenter zu Wolz. D’Amerikanerin LP ass op Welttournée an och zu Wolz. An dann déi original Gipsy Kings maachen de Festival de 16. Juli zou.