Eng Ekipp vun iwwer 30 Leit suergt dofir, datt Dekor, Makeup a Kostüm stëmmeg un déi 1920er Joren erënneren – d’Zäit, an där déi richteg Kriminalfäll gespillt hunn, déi d’Serie inspiréieren. Am Mëttelpunkt steet d’Marie Jung, déi d’Roll vun enger geheimnisvoller Fra iwwerhëlt. Mat hirer intensiver Verwandlung an de Kostümer a mam charakteristesche Schwaarz‑Wäiss-Look vun der Serie léisst si d’Zäit vun deemools erëm opliewen. Fir si ass Marginal och e Revival mat enger Ekipp, mat där si schonn an de fréieren Episoden zesummegeschafft huet. D’Actrice bleift gläichzäiteg och international present: vun der Schwäizer Produktioun Jakobs Ross bis bei déi rezent Koproduktioun The Wolf, the Fox & the Leopard, déi och um LuxFilmFest gewise gouf. Mat all Projet beweegt d’Marie Jung sech tëscht Theater-Erfarung a Film-Ästhetik a gehéiert elo zu de markantste Stëmmen an der Lëtzebuerger Theater- a Filmzeen.
