Zesumme mat hirer Famill huet d'Pauline Becker-Blasius hiren 105. Gebuertsdag gefeiert.

"Ech hat ëmmer gudde Courage a gudde Mutt, och wann et Mol gereent huet op den Hutt." Dat ass nëmmen ee vun der Pauline Becker-Blasius hire Secreten, fir al ze ginn. Mir hu mat hir den 105. Gebuertsdag gefeiert. Mat dobäi och e groussen Deel vun der Famill: Si huet zwee Kanner kritt, 5 Enkelkanner, 12 Urenkel an zwee Ururenkel.