D'Jeunesse huet sech mat engem weidere Spiller verstäerkt. De Lucien Littbarski huet bei deenen Escher e Kontrakt ënnerschriwwen. De Familljennumm "Littbarski" dierft ville Leit e Begrëff sinn. De Pierre Littbarski gouf 1990 mat Däitschland Weltmeeschter. Elo spillt da säi Bouf Lucien Littbarski zu Lëtzebuerg Futtball.
Den 23 Joer alen Däitschen huet och japanesch Wuerzelen a stoung ënner anerem bei Viktoria Köln a Greuther Fürth ënner Kontrakt. Forméiert gouf de Mëttelfeldspiller beim VfL Wolfsburg, wou säi Papp Pierre Littbarski ënner anerem als Co-Trainer an der Vergaangenheet aktiv war.
