4 Verkéiersaccidenter gouf et e Samschdeg den Owend an an der Nuecht op e Sonndeg.
Bei zwee Motorradsaccidenter um 17 Auer e Samschdeg zu Leideleng an zu Suessem goufen zwee Motocycliste blesséiert.
Kuerz virun 23 Auer dunn ass en Auto op der A13 a Richtung Schengen an de Gruef gefuer an um 3 Auer e Sonndeg de Moien huet sech en Auto zu Uewerkuer op der Bielesser Strooss iwwerschlo. Bei béiden Accidenter wier kengem eppes geschitt, sou de CGDIS a sengem Bulletin.
E Sonndeg de Moie gouf et nach een Accident mat engem Auto an der Rue Lucien Salentiny zu Ettelbréck. Eng Persoun gouf blesséiert.
