An engem gréissere Reportage kritt Dir gewisen, wat den Dan Wiroth bei senge Recherchen alles erausfonnt huet.

E Reportage am Journal, an deem et iwwert e méigleche Fall vu Mënschenhandel an engem Veianer Hotel gaangen ass an e Whistleblower hunn d'Saach am Dezember un d'Rulle bruecht. D'Affer si portugisesch Aarbechter, déi d'Gesetzer an och d'Sprooch net kannt hunn an hei ausgebeut goufen.

Doropshin hu sech vill Leit bei eis gemellt a sech als weider Affer vun deem selwechte Reseau ausginn. Nëmme waren et du keng portugisesch Aarbechter méi, déi ageflu goufen, mä Lëtzebuerger Employéen, Studenten, Fournisseuren a vill anerer.

Den Dan Wiroth ass alle Spueren nogaangen, huet nogesicht a bei der méintelaanger Recherche erausfonnt, dass et sech bei dëser Affär net nëmmen ëm modern Sklaverei handelt, mä och ëm Bedruch op groussem Niveau a ville Beräicher. Bedruch u Mënschen an un de Lëtzebuerger Verwaltungen. Déi allerdéngs schéngen an dëser Affär iwwerfuerdert.

"Affer gëtt et der méi wéi Honnert"

D'Affer sinn engersäits portugisesch Awanderer, déi mat Verspriechen ugelackelt ginn, déi kenger Realitéit entspriechen. Awer och Lëtzebuerger Personal, Frontalieren oder Studente ginn hei systematesch ausgenotzt oder net korrekt bezuelt. Iwwerstonnen oder Sonndesstonne ginn och net bezuelt. Ëmmer erëm gi Leit net bei der Krankekeess ugemellt.

Am Mëttelpunkt steet ee Geschäftsmann, deen an enger Dose Firme Gerant oder Administrateur ass oder och nach Parten huet.

"Jiddereen weess Bescheed, mä keen ënnerhëlt eppes."

Et gëtt wuel kee staatleche Service, deen net scho mat dëser Affär befaasst war an awer geschitt näischt. Déi Lëtzebuerger Autoritéite geroden ënner beschoss.

D’ITM sou wéi déi aner Verwaltunge kënnen nëmmen an hirem legale Kader intervenéieren. Dës Affär weist hin op en Dysfonctionnement vun der Zesummenaarbecht tëschent den ënnerschiddlechen Administratiounen a beweist, wéi eng Persoun mat engem komplexe Firmekonstrukt Mënschen an och de Staat beduckse kann, dat schonn zënter 12 Joer.

Kommentaren, Froen an Informatioune kënnt Dir op dossier@rtl.lu eramailen.

Den Dan Wiroth iwwer d'Investigatioun
Hien erkläert genau, wéi et zu dësem Reportage komm ass.
Mënschenhandel zu Veianen?
En Hotel huet mat enger Annonce Leit aus Portugal op Lëtzebuerg gelackelt.

Um Donneschdeg war et e Schreiwes vum Parquet

De Parquet Dikrech präziséiert, dass scho wéinst Verstéiss géint d'Aarbechtsrecht eng Instruktioun gemaach gouf, déi op d'Joren 2012 an 13 zeréck ginn. Et war och zu engem Renvoi virun d'Dikrecher Geriicht komm.

De Parquet ass den Ament parallel mat enger weiderer Enquête géint déi Responsabel vun deem Hotel-Restaurant zu Veianen an och Betriber vun Angelduerf am Gaang. Et geet ëm weider Verstéiss géint d'Aarbechtsrecht a wéinst Fälschung.

Ugangs Juli gouf et Perquisitiounen an d'Enquête geet virun.

Communiqué du parquet de Diekirch : perquisitions dans le cadre d’une enquête à l’encontre d’une société du secteur Horeca

(09.07.2020)

Suite à un reportage diffusé sur RTL Télé Lëtzebuerg en date du 8 juillet 2020, le parquet de Diekirch tient à préciser qu’une instruction judiciaire du chef notamment d’infractions au Code du travail à l’encontre des intéressés portant sur des faits commis dans les années 2012-2013 a déjà été menée il y a un certain temps. Suite à la clôture de l’instruction, la chambre du conseil a décidé le renvoi devant le tribunal correctionnel de Diekirch.

En outre, le parquet de Diekirch diligente actuellement une enquête des chefs de faux, usage de faux et d’infractions au Code du travail suite à une information de l’Inspection du travail et des mines sur de nouveaux faits visant les mêmes intéressés agissant dans le cadre d’une société exploitant un hôtel-restaurant à Vianden et des restaurants avec, respectivement, service de livraison et de take-away à Ingeldorf.

Des perquisitions ont été opérées les 1er et 4 juillet 2020, tant dans l’arrondissement judiciaire de Luxembourg que dans celui de Diekirch, par le service de police judiciaire en coopération avec l’Inspection du travail et des mines en vue de rassembler des preuves de ces infractions.

L’enquête suit son cours.

Le parquet tient à rappeler que toute personne visée par une enquête ou une procédure pénale est présumée innocente tant que sa culpabilité n’a pas été reconnue par une décision définitive de la juridiction de fond compétente.