Egal wéi wäert d’Phas 2 vun den Impfungen net ufänken, éier d’aktuell Phas ofgeschloss ass an d’Personal aus dem Santés- a Fleegesecteur alleguer geimpft gouf. Dobäi kommen iwwerdeems nach eng 800 Persoune mat enger kierperlecher oder psychescher Behënnerung, déi a Strukture liewen, déi nach an der Phas 1 drukomme sollen.
An der Phas 2 ginn nieft deenen Eeleren iwwer 75 Joer awer och Leit vaccinéiert, déi wéinst enger existenter Krankheet als “hautement vulnérable” bezeechent ginn.
