De Guy Pettinger hat jo seng Demissioun als Buergermeeschter bekannt ginn. Elo soll de Sammy Wagner d'Relève iwwerhuelen.

De Stengeforter Gemengerot huet a senger Sëtzung vun en Donneschdeg d’Nominatioun vun engem Kandidat fir d’Successioun decidéiert.

Proposéiert gëtt dem Grand-Duc fir de Poste vum Buergermeeschter de 34 Joer ale Physiksproff an aktuelle LSAP-Schäffe Sammy Wagner.

Den doduerch vakante Schäffeposte soll déi 53 Joer al Bank-Salariée Marianne Dublin-Felten iwwerhuelen. Dat schreift déi Stengeforter LSAP-Sektioun um Freideg de Moien an engem Communiqué.