Et hätte sech deelweis Kolonne vun honnerte Meter gebilt, wat op der A6 fir Behënnerungen am Verkéier, respektiv Stau gesuergt hat. Op der Plaz wier der Police iwwerdeems en Auto wéinst senger geféierlecher Fuerweis opgefall a well en eng blo Luucht installéiert hat. Bei enger Kontroll si weider sëllegen illegal Modifikatiounen um Gefier opgefall, wouropshin dëst op Uerder vum Parquet beschlagnaamt gouf.
D'Lëtzebuerger Police war hei zesumme mat hire Kolleegen aus der Belsch am Asaz.
