Wéi User eis eragemellt hunn an och d'Police confirméiert huet, gouf et um fréie Sonndeg den Owend e gréissert Feier um grousse Parking um Glacis.

Wéi d'Police confirméiert huet, hunn um Glacis véier Autoe gebrannt. Nodeem d'Pompjeeë d'Feier geläscht hunn, konnt ee feststellen, datt weider zwee* Ween beschiedegt goufen. D'Feier war géint 19.30 Auer aus.

Vun Aenzeie vun der Plaz heescht et, datt een eng Explosioun héieren hätt. D'Police kann dat net confirméieren, dofir misst een op den Ausgang vun der Enquête waarden, heescht et.

*An enger éischter Versioun vum Artikel gouf et e klenge Malentendu, wéi mer vun 10 beschiedegten Autoe geschwat hunn. Bei de sechs Ween, déi beschiedegt goufen, waren déi véier, déi verbrannt sinn, mat agerechent.

Weider Impressiounen