D’Entwécklungs-Gesellschaft fir de Belval AGORA an hire Generaldirekter François Dorland gi getrennte Weeër. Dat mellt d’Tageblatt e Samschdeg a berifft sech op de Verwaltungsrot. D’Decisioun wier d’un commun accord geholl ginn, heescht et do. D’Zeitung rapportéiert awer och e Klima wat wéi et heescht ugespaant war.
De 57 Joer ale Fransous François Dorland stoung véier Joer laang un der Spëtzt vun AGORA. D’Gesellschaft gehéiert zur Hallschent ArcelorMittal an zur Hallschent dem Staat.
