Géint 17.30 Auer sinn zwee Autoen net laanschtenee komm. Eng Persoun ass dobäi blesséiert ginn.
Doriwwer eraus ass den 112 geruff ginn, well zu Sir an der Rue de Carrières e Kamäi Feier gefaangen hat.
Géint 4.30 Auer an der Nuecht op e Sonndeg huet an der Stad iwwerdeems en Auto gebrannt, dat war am Tunnel René Konen, deen d’Geriicht mam Eecher Bierg verbënnt. Bei béiden Interventiounen ass kee verwonnt ginn.
E Samschdeg am Nomëtteg gouf et dann och nach zwee Accidenter. Zwee Autoe sinn am Rond-point Iergäertche géint 13.30 Auer net laanschtenee komm. Tëscht zwee Autoen huet et dann och géint 14.30 Auer op der A1 tëscht Fluessweiler a Mënsbech geknuppt. Hei gouf all Kéiers eng Persoun blesséiert.
