Géint 17:20 war an der Lëtzebuerger Strooss zu Esch eng Persoun vun engem Auto ugestouss a blesséiert ginn, am Asaz waren d'Escher Secouristen.
An der Nuecht op e Samschdeg, méi prezis um 2:45 Auer, gouf et dann en Accident op der N8 tëschent Sëll a Bruch. Hei war en Auto géint e Géigestand gerannt, wouduerch eng Persoun verwonnt gouf. Ëm wat fir ee Géigestand et sech gehandelt huet, gëtt am Bulletin vum CGDIS net preziséiert. Op der Plaz waren d'Rettungsekippen aus den Asazzentre vu Béiwen a Miersch, wéi och de SAMU vun Ettelbréck.
