Um 12.24 Auer huet zu Käerjeng am Boulevard John F Kennedy ee Bus gebrannt. Et blouf beim Materialschued.
Kuerz no 14 Auer huet et op der Diddelenger Autobunn tëscht dem Rond-Point Gluck an dem Gaasperecher Kräiz tëscht 2 Autoe geknuppt. Eng Persoun gouf verwonnt.
Um 14.37 Auer war et an der Iechternacher Strooss zu Dummeldeng och 2 Gefierer, déi aneneegerannt sinn. Och hei ass eng Persoun blesséiert ginn.
Um Enn war et um 15.48 Auer zu Kënzeg ee Cyclist, deen eng Chute gemaach huet. Hie gouf verwonnt.
