De Chômagetaux hei am Land läit weider bei 5,5%. Leschte Mount waren der ADEM no iwwer 18.300 Leit op der Sich no enger Aarbecht. Op e Joer gekuckt ass dat e Plus vu bal 16%. Eng Hausse, déi virun allem bei den héich qualifizéierten Demandeuren a bei de Jonken ënnert 30 Joer ze spieren ass. D’Secteuren, déi am meeschte betraff sinn, sinn ënnert anerem de Bau, de Finanz- an Immobiliësecteur, d’Industrie an d’Comptabilitéit.
Méi Leit sichen no enger Aarbecht, wéi virun engem Joer an zäitgläich si manner fräi Poste bei der ADEM gemellt. Iwwert ee Joer gekuckt, ass et e Plus vun 8,6%, wat d’Demanden ugeet, allerdéngs e Minus vun bal 30%, wat disponibel Plazen ugeet.
