An der Fuesvakanz sinn d’Covidinfektiounen zu Lëtzebuerg ëm knapp 8% liicht zréckgaangen. D’Santé notéiert an hirer leschter Retrospektive 837 Fäll d’lescht Woch. Eng Persoun ass a Relatioun mat Covid gestuerwen. An de Spideeler bleift et a puncto Corona weider ganz roueg mat 11 Patienten op der normaler Statioun, déi positiv getest, goufen. Op der Intensivstatioun huet keen misse behandelt ginn.
