Wéi et vum Finanzministère heescht, gëtt de Prêt an zwou Tranchë gemaach. Déi 1. Tranche vun 1,25 Milliarden € geet iwwer 10 Joer mat 3% Zënsen. Déi zweet Tranche sinn 1,75 Milliarden € iwwer 20 Joer mat 3,25% Zënsen.
Mat deem neien Emprunt läit déi ëffentlech Schold bei bal 22 Milliarden € respektiv 26,4% vum PIB. Am Juli muss Lëtzebuerg awer och e Prêt vun zwou Milliarden € zréckbezuelen. Den aktuelle Prêt pre-finanzéiert also och dee Remboursement.
D’Marchéen hätten dem Ministère no positiv op den Emprunt reagéiert. D’Demande wier wäit iwwer d’Offer eraus gaangen, wat d’Attraktivitéit vum Land géif ënnersträichen.
