D’Aufgab vum Wirtschaftsminister wier et, fir d’Aarbechtsplazen ze sécheren. Wärend der Pandemie hätt een dofir Aiden en place gesat a fir den Effet vum Ukrain-Krich ofzefiederen, hätt een e gerechten a solidareschen Tripartite-Accord op d’Been gestallt.
Genee sou wéi an der Pandemie, géif och elo an dëser Kris no Léisunge gesicht ginn, sou de Wirtschaftsminister Franz Fayot a sengem Videomessage am Kader vum 1. Mee.
Am Virfeld vun dësem Dag huet de Wirtschaftsminister Franz Fayot, genee wéi d’Finanzministesch Yuriko Backes e Samschdeg de Mëtteg am Background, den Tripartite Accord verdeedegt.
Hie schwätzt op Réckbléck vun den Tripartite-Verhandlunge vun engem fairen Accord, deen ausgeschafft gouf, an d’Wirtschaft ënnerstëtzt an och bei deene Leit, déi et am meeschte bréichten, d’Kafkraaft eropsetzt a souguer wéinst den héijen Energiepräisser deelweis ze iwwerkompenséieren.
D’Indextranchë géife falen, ma et géif awer och eng Planungssécherheet fir d’Entreprise garantéiert ginn, sou de Minister weider a senger Ried.
