LSAP - DéifferdengD'Partei geet mat engem Quartett un der Spëtzt an d'Gemengewalen

Mat der Déifferdenger LSAP läit en Dënschdeg eng weider Lëscht fir d’Gemengewale vir. Rieds geet do vun enger gréng-schwaarzer Gemengepolitik, déi agerascht wier an et gëtt méi Respekt fir Déifferdeng gefuerdert.

Déi 19 rout Kandidate gi vun engem Quartett ugefouert, wou mam Guy Altmeisch just ee vun de 4 aktuelle Conseilleren dran ass. Aner Spëtzekandidate sinn d’Catia Pereira, d’Zenia Charlé an den Thierry Wagner.

D’Conseillere Fred Bertinelli, den Éischtgewielten Erny Muller a Pierre Hobscheit sinn awer och op der LSAP-Lëscht vertrueden.

D’Altersmoyenne läit bei 45 Joer, dat bei 12 Männer a 7 Fraen. D’Déifferdenger LSAP-Sektioun leescht sech nieft den 19 Kandidate souguer zwee männlech Reserv-Leit.

2018 haten d’Déifferdenger Sozialiste knapp 19% vun de Stëmme krut a waren domat knapp hannert d’CSV gerëtscht, déi mat deene Gréngen eng Koalitioun forméiert hunn.

Hei déi komplett Lëscht

• Guy Altmeisch, 64
• Catia Pereira, 35
• Thierry Wagner, 49
• Zenia Charlé, 28
• Luana Beiros de Sousa, 25
• Fred Bertinelli, 62
• Manuel Da Silva, 56
• Sandra Da Silva Salgado, 35
• Joe Dahm, 27
• Pascal Hansen, 52
• Pierre Hobscheit, 38
• Caroline Huberty, 31
• Claudine Krippler, 48
• João Miguel Lagoinha Reboredo, 47
• Alexandra Marcelet-Reichmann, 48
• Erny Muller, 74
• Admir Pucurica, 43
• Michel Scheuren, 58
• Raphaël Scheuren, 30

Reserv-Kandidaten:

• Hjalmar Kielgast, 45
• Eric Werecki, 43