Nodeems d’Gewerkschaften LCGB an OGBL e Protestpiquet bei DuPont Teijin Films zu Conter organiséiert huet, mellt de Chimieskonzern sech per Communiqué zu Wuert. Et hätt een eng Rei Rendezvouse mat den zoustännege Ministèren a mat de Gewerkschafte gehat. DuPont wéilt e konstruktiven Dialog féieren a fair a séier Léisunge fir all Mataarbechter fannen. D’Entreprise géing keng Stellung méi huelen, bis definitiv Decisioune gefall wieren. E puer honnert Leit hate bei der Firma dogéint protestéiert, datt 160 Leit sollen entlooss ginn.
