“De Kampf vun der Ukrain ass de Kampf vun Europa. Eise Fridden ass äre Fridden”. Esou war de Solidaritéitsmarsch an der Stad iwwerschriwwen, op déi d’ASBL LUkraine an d’Asti opgeruff haten.
Honnerte Leit waren dem Opruff nokomm a sinn e Samschdeg de Mëtteg, um zweete Joresdag vum Krich, vun der Stater Gare aus bis op d’Clairfontainesplaz gezunn. Och Vertrieder aus der Lëtzebuerger Politik hate sech dem Marsch ugeschloss.
