D’Héichwaasser-Situatioun am Land, ass trotz dem naasse Wieder aus der Lescht ënner Kontroll.
E Sonndeg den Owend hat den zoustännege Service vum Waasserwirtschaftsamt nees eng phase de vigilance ausgeruff, wéinst dem potentielle Risk vu liichten Iwwerschwemmungen, haaptsächlech an der Süd-Hallschent vum Land.
D’Peegelen um Méindeg de Moien weisen awer keng gréisser Geforen-Situatioun.
D’Musel steet weider e gudde Meter iwwer Normal-Héicht, mä och um Grenz-Floss weist d’Tendenz éischter no ënnen.
D’Streck tëscht Schengen an dem franséische Kontz bleift awer weider gespaart.
