Um Sonndeg de Moien huet d'Police eis confirméiert, dass si e Freideg den Owend Reiwereien am Centre Sportif zu Äischen gemellt kruten. Eng Persoun wier och duerch e Schoss blesséiert ginn.

© Domingos Oliveira

The photos published on this site are subject to copyright and may not be copied, modified, or sold without the prior permission of the owner of the site in question.

De Samu an d'Police sinn direkt op d'Plaz gefuer. De Blesséierte gouf direkt an d'Spidol bruecht an noutoperéiert.

RTL-Informatiounen no handelt et sech ëm e jonke Mann, deen an de Bauch geschoss krut.

D'Operatioun hätt de Mann gutt iwwerstanen.

De Parquet huet eng Enquête opgemaach. Et gëtt nach ëmmer no Zeien gesicht.