Géint 15 Auer ass enger Patrull vun der Douane en Auto opgefall. Bei der Kontroll, wou och d'Police mat dobäi war, konnt de Chauffer weder valabel Pabeiere vum Auto virweisen, nach e Permis. Donieft gouf festgestallt, dass d'Bäifuererin ënner Drogenafloss stoung. Fir eng weider Kontroll, koumen d'Hënn vun der Douane als Verstäerkung an den Asaz.
Bei der Perquisitioun vum Won goufen Drogen-Accessoiren an eng gréisser Zomm Falschgeld entdeckt.
Op Uerder vum Parquet gouf den Auto sécher gestallt a béid Persoune kruten e Protokoll.
