Leit, déi interesséiert sinn, sech géint Gürtelrous impfen ze loossen, sollen hiren Hausdokter kontaktéieren, heescht et vun der Santé.
Recommandéiert ass d’Impfung wéi gesot fir Leit iwwer 65 Joer, an Erwuessener mat enger Immunodefizienz. Leit tëscht 50 a 65 Joer kënne sech och impfe loossen, mussen awer selwer fir d’Käschten dofir opkommen. D’Gürtelrous ass en Hautausschlag mat Blosen, deen dacks wéi deet. Den Ausschlag ass dacks op engem Deel vum Kierper a kann e puer Wochen daueren.
