D’Covidinfektiounen zu Lëtzebuerg sinn d’lescht Woch liicht eropgaangen. Eppes méi wéi 1.000 Leit goufe positiv getest a véier Leit sinn a Relatioun mat Covid gestuerwen. Hir Altersmoyenne louch bei 67 Joer.
An de Spideeler bleift d’Lag weider entspaant a puncto Coronavirus. 17 Persounen hunn d’lescht Woch missten hospitaliséiert ginn, zwee Patienten louchen op der Intensivstatioun. Den héchsten Inzidenztaux bei den Infektiounen gouf et bei den eelere Leit iwwer 90 Joer.
