D’Hoffnung steet fir vill gleeweg Leit am Vierdergrond. A ville Kierche vum Land gouf e Sonndeg d’Ouschterfest zelebréiert. Schonn e Samschdeg den Owend waren d’Katholicken zu Diddeleng an der Porkierch zesummekomm, fir zesumme mam Paschtouer Edmond Ries dëst Fest ze feieren.
Et war eng ganz opwenneg Feier, wou och de Kierchechouer zesumme mam Organist scho Wochen am viraus déi eenzel Lidder ageprouft huet. Wärend der Mass goufen och jonk Erwuessener gedeeft.
