En Donneschdeg den Owend koum et zu Esch an der Uelzechtstrooss zu enger Kläpperei, bei där eng Persoun mat engem Besser blesséiert gouf. Den Täter ass dono mat enger E-Trottinett geflücht. Méi Patrulle goufen op Esch geschéckt, fir nom Ugräifer ze sichen, wat hinnen dann och gelongen ass. Bei him konnt e Messer séchergestallt ginn. Wärend d'Polizisten hirer Aarbecht nogoungen, huet de Verdächtege si ëmmer nees menacéiert. E Protokoll gouf géint hien erstallt.
D'Affer konnten d'Beamte vun der Police awer trotz der Sich net lokaliséieren.
Da mellt d'Police nach, datt een en Donneschdeg den Owend zu Bouneweg eng Persoun untreffe konnt, déi duerch e Mandat d'arrêt gesicht gouf. De Mann koum no enger Kontroll beim Dokter an d'Untersuchungshaft op Suessem.
