Eng Persoun op enger elektrescher Trottinett gouf hei vun engem Auto ugestouss. D’Asazzentere vu Jonglënster a Luerenzweiler, d’Ambulanz vu Jonglënster an de Samu aus der Stad waren hei op der Plaz.
Iwwerdeems mellt de CGDIS 2 Accidenter, zu deenen et en Dënschdeg den Owend komm war.
Géint 17.30 en Dënschdeg den Owend hate sech zu Schëndels 2 Autoen ze pake kritt. 2 Persoune goufen hei blesséiert.
Op der Plaz waren d’Ambulanz vu Lëntgen an d’Asazzentere vu Mamer a Miersch.
Géint 17.50 Auer waren dunn 2 Autoen zu Steebrécken aneneegerannt. D’Ambulanz vu Suessem-Déifferdeng an d’Asazzentere vu Monnerech a Schëffleng waren op der Plaz, fir sech ëm eng blesséiert Persoun ze këmmeren.
