E Méindeg de Moie fréi géint 3:50 Auer war der Police en Abroch an en Akafszenter am Pommerlach gemellt ginn.
Bis ewell ass gewosst, dass zwee Täter iwwer e Feldwee (An der Gaass) op den Terrain vum Geschäft komm sinn an dunn do mat Gewalt eng Dier opkritt hunn. Uschléissend hätte si aus der Vitrinn vun engem Buttek fir Elektroartikelen eng Rei Handye geklaut. Iwwert dee selwechte Wee wieren déi zwee Brigangen och nees geflücht.
Wien Informatiounen zur Dot oder de gesichte Persoune liwwere kann, soll sech mellen um Policebüro Ardennes ënnert der Telefonsnummer (+352) 244 89 1000 oder per E-Mail an police.ardennes@police.etat.lu.
