Den Hartmut Rosa gehéiert zu de bekanntste Soziologen, hien ass Professer op den Unie Jena an Erfurt. Hie fuerscht a publizéiert apaart zu Froe vun Zäit an Acceleratioun an dem Drock, ëmmer méi séier sinn ze mussen.
De Virus huet jo do op d’mannst fir ee Moment eng Paus imposéiert an en huet och d‘Aart a Weis, wéi mir Mënschen zesummeliewen an mateneen a Relatioun trieden, staark verännert. Ugefaange mat Ofstand, Masken a virtuelle Reuniounen, wat net dem natierleche Besoin vun tëschemënschleche Relatiounen entsprécht.
Ass déi Zwangspaus awer genotzt ginn, fir eis Aart a Weis ze liewen, ze iwwerdenken? Dat war d’Hoffnung am Ufank vun der Covid-Kris, sech nees op weesentlech Saachen ze konzentréieren, amplaz a permanentem Leeschtungs- an Zäitdrock ze liewen. Mir hunn zwar geléiert, dass et och anescht geet, dass och anescht Politik gemaach ka ginn, mä fundamental huet sech un der Logik, no där eis modern Gesellschafte funktionéieren, näischt geännert, seet de Prof Rosa.
Die allgemeine Logik der Gesellschaft, die auf Steigerung angelegt ist, auf Wachstum, Beschleunigung, Innovierung, der sich auf die Ebene des Individuums durch Optimierungszwang übersetzt. Also schneller werden, effizienter werden, besser werden. Diese Logik haben wir ja nicht außer Kraft gesetzt. Der eigentliche Beschleunigungszwang kommt eigentlich nicht daher, dass Unternehmen miteinander konkurrieren oder auch Handwerker.
Dass es direkte ökonomische Konkurrenz gibt, sondern es ist die Logik der Akteinmärkte, die immer von Erwartungsstrukturen abhängen. Dinge, die übertroffen werden müssen und dieses Übertreffen von Erwartungen, um Aktienmärkte steigen zu lassen, ist einer der zentralen Antriebsmomente. Deshalb ist eine Entschleunigung der Finanzmärkte, die institutionell möglich ist, durch stärkere staatliche Regulierung. Das wären zwei Punkte, wo man durchaus reale institutionelle Effekte erzielen kann.
Hie war op Invitatioun vum Institut Pierre Werner zu Lëtzebuerg. D’Caroline Mart huet mat him iwwert seng Fuerschung, de Sënn vum Liewen, d’Auswierkunge vun der Pandemie oder och Méiglechkeeten aus der Wuesstemslogik eraus ze kommen, geschwat.
