Wéi d’Beamten d’Männer op der Plaz kontrolléiert hunn, ass hinnen e staarke Geroch vu Cannabis opgefall. D’Männer goufe fir déi weider Prozedure mat op de Policebüro geholl. Bei zwee vun hinnen hunn d’Poliziste verschreiwungsflichteg Medikamenter séchergestallt. Op Uerder vum Parquet goufen d’Medikamenter, Suen an en Handy saiséiert an et gouf e Protokoll geschriwwen.
An der Nuecht op e Freideg hat dann eng alkoholiséiert Fra an engem Café an der Grand-Rue zu Ettelbréck randaléiert. Well si op Grond vun hirem Zoustand eng Gefor fir sech selwer an déi aner duergestallt huet, gouf si am Arrest ënnerbruecht.
