Duerch d’Rekrutementscampagne vun der Police ass den Effectif an deene leschten dräi Joer alles an allem vun 2.360 op 3.141 geklommen. Trotz Ofgäng duerch Pensioune sinn deemno 180 vereedegt Poliziste méi am Déngscht, 324 méi Stagiairen, déi nach an der Policeschoul sinn, an den ziville Kader ass ëm 280 Mataarbechter a Mataarbechterinnen opgestockt ginn. Déi Zuelen huet de Policeminister Henri Kox en Dënschdeg an der Chamberkommissioun fir bannenzeg Sécherheet virgeluecht.
