lux-Airport melltFluchtrafic um Findel war op en Neits wéinst Dronenaktivitéit gestoppt

Samantha Weber

Wéi lux-Airport mellt, war de Fluchtrafic wéinst onerlaabter Dronen-Aktivitéit e Méindeg den Owend temporär gestoppt ginn.

Verëffentlecht: 21.09.26 22:49, Update: 21.09.26 23:24

Eng Rei Vollen op de Fluchhafe si wéinst dem Dronevirfall e Méindeg a Retard. © Domingos Oliveira

The photos published on this site are subject to copyright and may not be copied, modified, or sold without the prior permission of the owner of the site in question.

lux-Airport mellt e Méindeg den Owend, datt de Fluchtrafic um Findel temporär tëscht 21:38 an 22:30 Auer wéinst Dronesichtungen an der Géigend vum Fluchhafe gestoppt gi war. Kuerz virun 23 Auer huet lux-Airport du matgedeelt, datt de Betrib nees komplett opgeholl gouf.

Wéi um Site vu lux-Airport ze gesinn ass, sinn duerch de Virfall eng Rei Flich op de Fluchhafen a Retard.

Schreiwes vu lux-Airport vun e Méindeg den Owend

Eréischt e Freideg hunn 19 Flich a Richtung Findel, dorënner 17 vun der Luxair, missen op aner Fluchhäfen ëmgeleet ginn. Dat och wéinst enger temporärer Spärung vum Fluchhafen no enger net autoriséierter Dronenaktivitéit.

Bei engem Point-presse hat de Premier Luc Frieden betount, datt d'Regierung d'Situatioun géing eescht huelen, datt et awer trotzdeem kee Grond géing ginn, ze panikéieren.

Weider Artikelen zu den Drone-Virfäll um Findel: