E Méindeg de Moie gouf der Police zu Esch-Uelzecht an der Uelzechter Strooss en Abroch an e Lokal gemellt. Wéi eng Patrull vun der Police op der Plaz ukomm war, hu si zwou Persoune wärend hirer Dot erwëscht. Deen ee Mann war baussen amgaangen, déi geklaute Saachen zesummenzepaken an deen anere Mann war nach bannen am Lokal.
Béid Persoune konnten op Uerder vum Parquet nach op der Plaz festgeholl an am Nomëtteg virun den Untersuchungsriichter bruecht ginn.
