17 Apps goufen ausgezeechentApple verkënnegt d'Gewënner vun App Store Awards 2025

D’Gewënner goufen aus 45 Finalisten erausgewielt an iwwerzeege mat aussergewéinlecher Kreativitéit, User Experience an Design. D’Entwéckler hannert dësen Apps hunn dëst Joer eng grouss Villfalt u Produkter geliwwert, vun Appen, fir méi organiséiert ze sinn bis hin zu virtuelle Spillwelten, déi den Notzer hëllefe méi ze erreechen, nei Iddien ëmzesetzen oder sech einfach a faszinéierend digitale Welten ze verléieren.

Inspiratioun duerch Innovatioun

Den Apple-CEO Tim Cook huet an engem Statement d'Roll vun den Entwéckler ervirgehuewen: „All Joer si mir inspiréiert dovun, wéi Entwéckler hir bescht Iddien an innovativ Erfarunge verwandelen, déi d'Liewe vun de Leit beräicheren. D'Gewënner vun dësem Joer sti fir déi Kreativitéit an Exzellenz, déi den App Store ausmaachen, a si weisen, wéi grouss den Impakt ka sinn, deen Apps a Spiller op d'Leit iwwerall hunn.“ Méi wéi 2 Milliounen Apps an honnertdausend aktiv Entwéckler zielt Apple.

D’Gewënner 2025

• iPhone App vum Joer: Tiimo – en intuitiven a visuelle Alldagskalenner.
• iPad App vum Joer: Detail – eng Videobeaarbechtungsapp mat Ënnerstëtzung vu Kënschtlecher Intelligenz.
• Mac App vum Joer: Essayist – eng professionell Schreif- an Dokument-App.
• Vision Pro App vum Joer: Explore POV – eng 3D-Videoerfarungen.
• Apple Watch App vum Joer: Strava – Sport- a Fitness-Tracking fir eng breet Communautéit.
• Apple TV App vum Joer: HBO Max – Streaming-Plattform fir Filmer a Serien.

Déi bescht Spiller 2025

Och d’Gaming-Industrie krut traditionell en eegene Schwéierpunkt

• iPhone Spill vum Joer: Pokémon TCG Pocket
• iPad Spill vum Joer: DREDGE
• Mac Spill vum Joer: Cyberpunk 2077: Ultimate Edition
• Vision Pro Spill vum Joer: Porta Nubi
• Apple Arcade Spill vum Joer: WHAT THE CLASH?

Cultural Impact Awards

Nieft den Haaptkategorien huet Apple och erëm Apps ausgezeechent, déi e besonnesche kulturellen oder sozialen Impakt hunn. Dëst Joer gehéieren dozou ënner anerem:

• Be My Eyes – eng App, déi Blann a Leit mat enger visueller Behënnerung ënnerstëtzt.
• Focus Friend – eng App fir méi Konzentratioun a Produktivitéit.
• The StoryGraph – eng inklusiv a benotzerfrëndlech Plattform fir Bicherfans.