En Dënschdeg de Moie war de President vum Landesverband eisen Invité vun der Redaktioun.

De Landesverband wäert et ëmmer weider ginn, och wann een an Zukunft wëll méi enk mam OGBL zesummeschaffen.
Dat sot de President vum Landesverband Georges Merenz um Dënschdeg de Mueren als eisen Invité vun der Redaktioun.

Den 2. Dezember ass jo en ausseruerdentleche Kongress zum Sujet. Eréischt da wäert et Detailer ginn, och doriwwer op eng richteg Fusioun ganz vum Dësch ass.

De Georges Merenz wëll op alle Fall säi Mandat bis Oktober 2021 fäerdeg maachen.

De Gratis ëffentlechen Transport mécht dem Landesverband-President Suergen. Hien hofft datt déi geplangte Guichets d'accueils zu Beetebuerg an Ettelbréck géint déi sougenannten doudeg Garen hëllefen. Ma, d'Rahmebedingungen fir de gratis ëffentlechen Transport stëmmen nach net, sou den Invité vun der Redaktioun.

Notamment gi sech nach ëmmer Suergen gemaach wéinst der Sécherheet. Well d'Leit jo ouni Ticket net méi kënnen aus dem Zuch geholl ginn. Eng reegelrecht Eisebunnspolice well een net, léiwer eng gutt Zesummenaarbecht mat der nationaler Police.

Invité vun der Redaktioun: Georges Merenz

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.